Un o’r Llewod yn helpu i greu enillwyr yng Nghymru

Kimmo Muttonen on 12/01/2005

Cwrddodd Martin Johnson CBE, fu’n gapten ddwywaith ar dîm rygbi’r Llewod â chapteniaid diwydiant yng Nghymru yn ystod digwyddiad a drefnwyd gan CChC yn Neuadd y Ddinas, Caerdydd ar ddydd Mawrth, Mai 24 mewn partneriaeth â’r cwmni technoleg gwybodaeth byd-eang HP.

Roedd y digwyddiad yn rhan o daith ddeuddydd o amgylch Cymru gan Martin Johnson, a’r bwriad oedd creu fforwm ar gyfer trafod yr arfer orau gyda golwg ar sgiliau megis arweinyddiaeth, ysgogiad, cynllunio a dadansoddi, a sut y gall chwaraeon a busnes elwa o gydweithio’n fwy clòs.

Roedd yn cynnwys cyfweliad rhwng Martin a chyflwynydd BBC Wales, Jason Mohammed, ynghyd â sesiwn cwestiwn ac ateb oedd yn agored i’r gynulleidfa oedd yn cynnwys arweinwyr o fyd chwaraeon a busnes.

Dywedodd Bob Turner, Cadeirydd Cymdeithas Chwaraeon Cymru: “Rhan o rôl CChC yw ymestyn y berthynas rhwng y gymuned fusnes a chwaraeon yng Nghymru a darparu cyngor a chymorth i’w phartneriaid ar arweinyddiaeth a llywodraethu. Roeddwn i’n falch iawn bod y digwyddiad wedi cynorthwyo’r ddau amcan hyn a hoffem ddiolch i bawb a fynychodd o noson gofiadwy hon”.

back to article index